Логотип Казан Утлары
Кардәш халыклар әдәбиятыннан

Кар

Кар ята, кая барма, Мин туган идем карда.

Кар ята, кая барма,
Мин туган идем карда.
Миңа ишелеп төште
Олы кар сөенече.
Тәүге адымым – карда,
Сак кына басып килдем,
Ачылган ак юлларда
Мәктәпкә барган идем.
Кар тыштан салкын кебек,
Ә кагылсаң – яндыра!
Өйдән чыкканны көтеп
Тай сыман кешнәп тора.
Кар эремәс, озак бар!
Юлларым моңа анык, –
Адымымны саный кар
Эземнән мине танып.
Кар җырлый! Кыш – көзгедәй.
Ак сулар агып чыга...
Кар бөртекләре көйли,
Кунып тимерчыбыкка.
Түгел мин кар кешесе,
Миндер моң-зар кешесе.
Туңмыйм мин, эчтән янам –
Мин кардан ялкынланам!
Кар ята, кая барма,
Мин туган идем карда...

 

Семён Данилов

Ркаил Зәйдулла тәрҗемәсе

 

"КУ" 06, 2021

Фото: pixabay

Теги: шигырь поэзия

Иң мөһим һәм кызыклы язмаларны Татмедиа Telegram-каналындаукыгыз

Нет комментариев