Логотип Казан Утлары
Шигърият

Сәер мизгел

Әллә нинди сәер мизгел бу...

Әллә нинди сәер мизгел бу,

Аңлый торган мизгел түгел бу.

Сәер мизгел хуҗа дөньяга –

Әллә яңгыр, әллә кар ява.

 

Әллә көлә, әллә елый ул,

Әллә йоклый, әллә уяна...

Сәер мизгел хуҗа дөньяга –

Әллә яңгыр, әллә кар ява.

 

Әллә нинди сәер мизгел бу,

Аңлый торган мизгел түгел бу.

Әллә нинди халәт җанда да –

Әллә яңгыр, әллә кар ява.

 

Әллә көләм, әллә елыйм мин,

Әллә йоклыйм, әллә уянам...

Сәер мизгел хуҗа җанга да –

Әллә яңгыр, әллә кар ява.

 

"КУ" 8, 2020

Фото: pixabay

Теги: шигърият поэзия

Иң мөһим һәм кызыклы язмаларны Татмедиа Telegram-каналындаукыгыз

Нет комментариев