Логотип Казан Утлары
Шигърият

Туган көндә

Безгә язган инде туган көндә Бер тын алу, туктап уйлану.

Безгә язган инде туган көндә

Бер тын алу, туктап уйлану.

Кеше гомерен яшәп йөргән җирдән

Бер сискәнү, кинәт уяну.

Авылымнан киткән идем дә мин,

Өзелгәндәй кинәт анадан.

Казан кала күккә чөйде мине,

Канат куйды миңа яңадан.

Җитез аяк идек без яшьлектә –

Журналистка кирәк бу сыйфат.

Төне буе яздык мәкаләләр –

Мәртәбәнең әҗере ай кыйбат!

Хискә төреп язган мәгънәле сүз –

И чыдасын гына бу йөрәк! –

Чурту аны – бу йөрәкне, дисәң,

Сәламәтлеге дә бик кирәк.

«Дошман тугыз, без утыз!» – дип яшик,

Сынатмаска иде бит әле.

Кемдер анда кара коелганда,

Минем бүген бәйрәм бит әле.

 

"КУ" 09, 2021

Фото: pixabay

Теги: шигырь поэзия

Иң мөһим һәм кызыклы язмаларны Татмедиа Telegram-каналындаукыгыз

Нет комментариев